مشترکہ آپریشن انٹیلی جنس معلومات کی بنیاد پر کیا گیا
کراچی: پاک بحریہ اور اے این ایف کے مشترکہ آپریشن میں 235 ملین ڈالر مالیت کی منشیات ضبط کرلی گئی۔
بحیرہ عرب میں پاک بحریہ اور اینٹی نارکاٹکس فورس نے انٹیلی جنس معلومات کی بنیاد پر مشترکہ انسداد منشیات آپریشن کیا۔ اس دوران 782 کلو منشیات ضبط کی گئیں۔
ضبط کی جانے والی منشیات کی قیمت عالمی مارکیٹ میں 235 ملین ڈالر ہے۔ ضبط کی جانے والی منشیات کو مزید قانونی کارروائی کے لیے اینٹی نارکاٹکس فورس کے سپرد کر دیا گیا ہے۔
ترجمان کے مطابق پاک بحریہ دیگر متعلقہ اداروں کے ساتھ مل کر ملکی سمندری حدود میں غیر قانونی سرگرمیوں کی روک تھام کے لیے ہمہ وقت تیار ہے۔
#پاک #بحریہ #اور #اے #این #ایف #کا #مشترکہ #آپریشن #ملین #ڈالر #کی #منشیات #ضبط
